ନୂଆ ଖବର ସବୁ ପଢ଼ିଛି
ଲୋଡ୍ ହେଉଛି...
ଈଶ୍ବରଙ୍କ ବ୍ୟତୀତ କାହାକୁ ଡରେନା | ସ୍ପଷ୍ଟ ଓ ନିରପେକ୍ଷତା ଆମର ପ୍ରୟାସ
Latest News
ନିର୍ବାଚନ ସାକ୍ଷରତା କ୍ଲବ୍ (ELC) ଆନୁକୂଲ୍ୟରେ ଜିଲ୍ଲା ସ୍ତରୀୟ କୁଇଜ୍ ଓ ପ୍ରବନ୍ଧ ଲିଖନ ପ୍ରତିଯୋଗିତା ଆୟୋଜିତ ❯❯ ଆର୍ଥିକ ସାକ୍ଷରତା ଏବଂ ସାଇବର ଠକେଇ ସଚେତନତା ମାଧ୍ଯମରେ ଗ୍ରାମୀଣ ଓଡ଼ିଶାକୁ ସଶକ୍ତ କରୁଛି ବଜାଜ୍ ଫାଇନାନ୍ସ ❯❯ ସମାଜର ଅମୂଲ୍ୟ ସମ୍ପଦ : ବରିଷ୍ଠ ନାଗରିକ ❯❯ ଜିଲ୍ଲାସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୬ ପାଳିତ ❯❯ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଯୁଗ୍ମଜନ ଅଭିଯୋଗ ଶୁଣାଣି ଶିବିର ❯❯ ଦିନରେ ଚରାଉଥିଲେ ଛେଳି ଓ ଘୁସୁରି , ଆଉ ରାତି ହେଲେ କବାଟ ତାଡି କରୁଥିଲେ ସୁନା ଓ ଟଙ୍କା ଲୁଟ୍ ❯❯ ବିଭିନ୍ନ ଦଫା ଦାବି ନେଇ ଗାଁ ସାଥି ସଙ୍ଘର ବୈଠକ, ଯୋଗଦେଲେ ୪ ଟି ଜିଲ୍ଲାର ଶତାଧିକ ଗାଁ ସାଥି ❯❯ ଅଜଣା ଗାଡି ଧକ୍କାରେ ଯୁବକ ମୃତ୍ୟୁ, କ୍ଷତି ପୂରଣ ଦାବିରେ ରାସ୍ତା ଅବରୋଧ ❯❯ କଂଗ୍ରେସର ଭୋଟ ବଞ୍ଚାଅ ଦେଶ ବଞ୍ଚାଅ ଅଭିଯାନ ତଥା ଚୌପାଲ ବୈଠକ ଅନୁଷ୍ଠିତ । ❯❯ ଆଦିଦେବ ଏଣ୍ଟରଟେନମେଣ୍ଟ ର ସିଜନ-୨ ପାରମ୍ପରିକ ସୌନ୍ଦର୍ଯ୍ୟ ପ୍ରତିଯୋଗିତା ଅଡିସନ ❯❯

ଓୟୁଏଟି ତରଫରୁ ଚାଷୀ ସଚେତନତା ତାଲିମ ଶିବିର ଏଵଂ କ୍ଷେତ୍ର ପ୍ରଦର୍ଶନ

sumanta swain | 03 Oct 2026 | 10 min read | 11 views

pozecon
News Prime Odisha
ଜଗତସିଂହପୁର ( ଏନ. ପି.ଓ ) : ସର୍ବଭାରତୀୟ ସମନ୍ଵିତ ରୋପଣ ଫସଲ ପ୍ରକଳ୍ପ ଏଵଂ ତୃଣକ ପରିଚାଳନା ପ୍ରକଳ୍ପ ଓ କୃଷି ବିଜ୍ଞାନ କେନ୍ଦ୍ର, ଜଗତସିଂହପୁରର ମିଳିତ ପ୍ରୟାସରେ ଅନୁସୂଚିତ ଜାତି ଉପଯୋଜନା ଆନୁକୁଲ୍ୟରେ ଦୁଇଟି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରଥମେ, କୁଜଙ୍ଗ ବ୍ଲକ ଅନ୍ତର୍ଗତ ବାଗୋଇ ଗ୍ରାମରେ ଏକ କୃଷକ ସଚେତନତା ଓ ତାଲିମ ଶିବିର ଅନୁଷ୍ଠିତ ହୋଇଛି ଯେଉଁଥିରେ ୫୦ ଜଣ ଅନୁସୂଚିତ ଜାତିର କୃଷକ ଓ କୃଷି ମହିଳା ସକ୍ରିୟ ଭାବରେ ଅଂଶ ଗ୍ରହଣ କରିଥିଲେ । ଉକ୍ତ କାର୍ଯ୍ୟକ୍ରମକୁ କୃଷି ବିଜ୍ଞାନ କେନ୍ଦ୍ରର ମୂର୍ତ୍ତିକା ବୈଜ୍ଞାନିକ ଡ଼ ପ୍ରଦୀପ୍ତ ମାଝୀ ପରିଚାଳନା କରିଥିଲେ । ଏହି ଅବସରରେ ଅଖିଳ ଭାରତୀୟ ସମନ୍ଵିତ ତୃଣକ ପରିଚାଳନା ଗବେଷଣା ପ୍ରକଳ୍ପ, ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ, ଭାରପ୍ରାପ୍ତ ଅଧିକାରୀ, ବୈଜ୍ଞାନିକ ଡ଼. ସାରିକା ଜେନା, ଉଦବୋଧନ ଦେଇ କହିଥିଲେ ଯେ ଧାନ,ପନିପରିବା ଓ ଅନ୍ୟ ଫସଲରେ ଘାସ ହେଉଛି ଉତ୍ପାଦନ କମିବାର ଏକ ପ୍ରମୁଖ କାରଣ ଏବଂ ଏହାର ପ୍ରତିକାର ଉପରେ ଆଲୋକପାତ କରିଥିଲେ । ଫସଲ ଉତ୍ପାଦନରେ ତୃଣକ ପରିଚାଳନାର ଗୁରୁତ୍ବ ଓ ତାହାର ବିଭିନ୍ନ ପଦ୍ଧତି ଉପରେ ମଧ୍ୟ ବିସ୍ତୃତ ଆଲୋଚନା କରିଥିଲେ । ସର୍ବଭାରତୀୟ ସମନ୍ୱିତ ରୋପଣ ଫସଲ ଗବେଷଣା ପ୍ରକଳ୍ପର ଭାରପ୍ରାପ୍ତ ଅଧିକାରୀ ଡ଼ଃ. ଅଜିତ କୁମାର ସାହୁ ଚାଷୀମାନଙ୍କୁ ନଡ଼ିଆ ବଗିଚାର ସମନ୍ୱିତ ପରିଚାଳନା ଉପରେ ଜ୍ଞାନ ପ୍ରଦାନ କରିଥିଲେ । ଜମି ପ୍ରସ୍ତୁତି, ଖତ ସାର ଏବଂ ଜଳ ପରିଚାଳନା ପ୍ରଣାଳୀ ତତସହିତ ନଡ଼ିଆ ଗଛରେ କିପରି ରୋଗ ପୋକ ପରିଚାଳନା ସହିତ ଅନ୍ୟାନ୍ୟ ରୋପଣ ଫସଲକୁ କିପରି ପରିଚାଳନା କରିବେ ତାହା ବିସ୍ତୃତ ଭାବରେ ଚାଷୀ ମାନଙ୍କ ସହ ଆଲୋଚନା କରିଥିଲେ । ଅଳ୍ପ ଖର୍ଚ୍ଚରେ କିପରି ନଡ଼ିଆ ଚାଷ କରିବା ଓ ଚାଷୀ କିପରି ଅଧିକ ଲାଭବାନ ହେଇପାରିବେ ତାହାର ହିସାବ ଚାଷୀ ମାନଙ୍କ ସହ ଆଲୋଚନା ମଧ୍ୟ କରିଥିଲେ । ଉପସ୍ଥିତ ଚାଷୀ ଭାଇ ଓ ଭଉଣୀ ମାନଙ୍କୁ କୃଷି ସାମଗ୍ରୀ, ତୃଣନାଶକ ଓ ତୃଣନାଶକ ସମ୍ବନ୍ଧୀୟ ସଚେତନତା ପତ୍ରିକା ପ୍ରଦାନ କରାଯାଇଥିଲା ପରବର୍ତ୍ତୀ ସମୟରେ ମିଳିତ ଅନୁକୁଲ୍ୟରେ ତିର୍ତୋଲ ବ୍ଲକ ଅନ୍ତର୍ଗତ ଗରାମ ଗ୍ରାମରେ ନଡ଼ିଆ ଚାରା ରୋପଣ ଏବଂ ପରିଚାଳନାର କ୍ଷେତ୍ର ପ୍ରଦର୍ଶନ ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ୩୦ରୁ ଅଧିକ ଅନୁସୂଚିତ ଜାତିର କୃଷକ ଓ କୃଷି ମହିଳା ସକ୍ରିୟ ଭାବରେ ଅଂଶ ଗ୍ରହଣ କରିଥିଲେ । ଡ଼ଃ. ଅଜିତ କୁମାର ସାହୁ ଚାଷୀ ମାନଙ୍କୁ ନଡ଼ିଆ ବଗିଚାର ସମନ୍ୱିତ ପରିଚାଳନା ଉପରେ ଜ୍ଞାନ ପ୍ରଦାନ କରି ନଡ଼ିଆ ଚାରା ବଣ୍ଟନ କରିଥିଲେ । ଉକ୍ତ କାର୍ଯ୍ୟକ୍ରମକୁ କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ତଥା ମୁଖ୍ୟ ଡ଼ଃ. ଜୀବନଜିତ୍ ସେନ୍ ପରିଚାଳନା କରିଥିଲେ । ବାଗୋଇ ଗ୍ରାମର ଉମେଶ ମଲ୍ଲିକ ଏବଂ ଗରାମ ଗ୍ରାମର କଲ୍ୟାଣୀ ବାରିକ ସହଯୋଗକରି କାର୍ଯ୍ୟକ୍ରମକୁ ସଫଳ କରାଇଥିଲେ ।
© 2026 News Prime Odisha | Content is protected under the Copyright Act, 1957

Comments (0)

Loading comments...