ନୂଆ ଖବର ସବୁ ପଢ଼ିଛି
ଲୋଡ୍ ହେଉଛି...
ଈଶ୍ବରଙ୍କ ବ୍ୟତୀତ କାହାକୁ ଡରେନା | ସ୍ପଷ୍ଟ ଓ ନିରପେକ୍ଷତା ଆମର ପ୍ରୟାସ
Latest News
ନିର୍ବାଚନ ସାକ୍ଷରତା କ୍ଲବ୍ (ELC) ଆନୁକୂଲ୍ୟରେ ଜିଲ୍ଲା ସ୍ତରୀୟ କୁଇଜ୍ ଓ ପ୍ରବନ୍ଧ ଲିଖନ ପ୍ରତିଯୋଗିତା ଆୟୋଜିତ ❯❯ ଆର୍ଥିକ ସାକ୍ଷରତା ଏବଂ ସାଇବର ଠକେଇ ସଚେତନତା ମାଧ୍ଯମରେ ଗ୍ରାମୀଣ ଓଡ଼ିଶାକୁ ସଶକ୍ତ କରୁଛି ବଜାଜ୍ ଫାଇନାନ୍ସ ❯❯ ସମାଜର ଅମୂଲ୍ୟ ସମ୍ପଦ : ବରିଷ୍ଠ ନାଗରିକ ❯❯ ଜିଲ୍ଲାସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୬ ପାଳିତ ❯❯ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଯୁଗ୍ମଜନ ଅଭିଯୋଗ ଶୁଣାଣି ଶିବିର ❯❯ ଦିନରେ ଚରାଉଥିଲେ ଛେଳି ଓ ଘୁସୁରି , ଆଉ ରାତି ହେଲେ କବାଟ ତାଡି କରୁଥିଲେ ସୁନା ଓ ଟଙ୍କା ଲୁଟ୍ ❯❯ ବିଭିନ୍ନ ଦଫା ଦାବି ନେଇ ଗାଁ ସାଥି ସଙ୍ଘର ବୈଠକ, ଯୋଗଦେଲେ ୪ ଟି ଜିଲ୍ଲାର ଶତାଧିକ ଗାଁ ସାଥି ❯❯ ଅଜଣା ଗାଡି ଧକ୍କାରେ ଯୁବକ ମୃତ୍ୟୁ, କ୍ଷତି ପୂରଣ ଦାବିରେ ରାସ୍ତା ଅବରୋଧ ❯❯ କଂଗ୍ରେସର ଭୋଟ ବଞ୍ଚାଅ ଦେଶ ବଞ୍ଚାଅ ଅଭିଯାନ ତଥା ଚୌପାଲ ବୈଠକ ଅନୁଷ୍ଠିତ । ❯❯ ଆଦିଦେବ ଏଣ୍ଟରଟେନମେଣ୍ଟ ର ସିଜନ-୨ ପାରମ୍ପରିକ ସୌନ୍ଦର୍ଯ୍ୟ ପ୍ରତିଯୋଗିତା ଅଡିସନ ❯❯

ଆଇଓସିଏଲ ଫାଟକ ନିକଟରେ ଶ୍ରମିକଙ୍କ ଧାରଣା, ୮୦ ଶ୍ରମିକ ଙ୍କୁ ଉଠାଇ ନେଲା ପୋଲିସ

News Prime Odisha | 27 Oct 2026 | 7 min read | 9 views

pozecon
News Prime Odisha
ପାରାଦ୍ଵୀପ ( ଏନ. ପି.ଓ ) : ଶ୍ରମିକ ଙ୍କୁ ଶୋଷଣ କରୁଛି ପାରାଦ୍ୱୀପ ତୈଳ ବିଶୋଧନାଗାର । ବାରମ୍ବାର ଦାବି କରିଥିଲେ ମଧ୍ୟ ଶ୍ରମିକଙ୍କୁ ସେମାନଙ୍କ ପ୍ରାପ୍ୟ ଦେବାକୁ ମଙ୍ଗୁନାହି ଆଇଓସିଏଲ । ଯାହାକୁ ନେଇ ଆଇଓସିଏଲ ଫାଟକ ସମ୍ମୁଖରେ ଦେଖିବାକୁ ମିଳିଛି ଶ୍ରମିକ ଅଶାନ୍ତି । ସେମାନଙ୍କର ନାର୍ଯ୍ୟ ହକ୍ ପାଇଁ ସକାଳୁ ଆଇଓସିଏଲ ଗେଟ୍ ସମ୍ମୁଖରେ ଆନ୍ଦୋଳନରେ ବସିଛନ୍ତି ପାଖାପାଖି ୨ ହଜାର ଶ୍ରମିକ। ତେବେ ପୋଲିସ ଆନ୍ଦୋଳନରତ ପ୍ରାୟ ୮୦ ଜଣ ଶ୍ରମିକ ମାନଙ୍କୁ ଉଠାଇ ନେଇଛି । ଯାହାକୁ ନେଇ ତିବ୍ର ହୋଇଛି ଶ୍ରମିକ ଅଶାନ୍ତି । ଏଫସିଆଇ ଶ୍ରମିକ ସଂଘ ବ୍ୟାନରରେ ଶ୍ରମିକ ମାନେ ସେଟେଲମେଣ୍ଟ ନିମନ୍ତେ ଅଡି ବସିଥିବା ବେଳେ ଗତକାଲି କମ୍ପାନୀ କର୍ତ୍ତୁପକ୍ଷ ଓ ଶ୍ରମିକ ନେତା ମାନଙ୍କ ମଧ୍ୟରେ ଆଲୋଚନା ବିଫଳ ହୋଇଥିଲା । ଆଜି ସକାଳୁ ଶ୍ରମିକ ମାନେ ଆନ୍ଦୋଳନ ଆରମ୍ଭ କରିଥିବା ବେଳେ ପୋଲିସ କିଛି ଆନ୍ଦୋଳନକାରୀ ମାନଙ୍କୁ ଉଠାଇ ନେଇଛି । ଦିର୍ଘ ବର୍ଷ ହେଲା ଏହି ଜମିହରା ପରିବାର ପିଲା ମାନେ ଆଇଓସିଏଲ ର ବିଭିନ୍ନ ବିଭାଗରେ ଠିକା ଶ୍ରମିକ ଭାବେ କାର୍ଯ୍ୟ କରୁଛନ୍ତି । ପ୍ରତି ୨ କିମ୍ବା ୩ ବର୍ଷରେ ସେମାନଙ୍କ ଦରମା , ଇପିଏଫ, ଇଏସ‌ଆଇ , କ୍ୟାଣ୍ଟିନ ସୁବିଧା ବାବଦରେ ଆଇଓସିଏଲ କତ୍ତୃପକ୍ଷ ଙ୍କ ସହିତ ସେଟେଲମେଣ୍ଟ କରାଯିବା ସହିତ ସେମାନଙ୍କ ଦରମା ରେ ବୃଦ୍ଧି କରାଯାଇଥାଏ । ମାତ୍ର ଏହି ଅବଧି ପୂରଣ ହୋଇଥିଲେ ମଧ୍ୟ ଆଇଓସିଏଲ କତ୍ତୃପକ୍ଷ ଶ୍ରମିକଙ୍କ ଦାବି କୁ ଅଣଦେଖା କରୁଥିବା ଅଭିଯୋଗ କରିଛନ୍ତି ଶ୍ରମିକ । ପ୍ରତିବାଦରେ ଶ୍ରମିକ ମାନେ କାର୍ଯ୍ୟରେ ଯୋଗ ନଦେଇ ଆନ୍ଦୋଳନରେ ବସିଥିବା ଦେଖିବାକୁ ମିଳିଛି । ଅନ୍ୟ ପକ୍ଷରେ ପୋଲିସ ଉଠାଇ ନେଇଥିବା ଆନ୍ଦୋଳନ ରତ ଶ୍ରମିକ ଲକ୍ ଥାନା ପରିସରରେ ଆମରଣ ଅନଶନ ରେ ବସିଥିବା ସୂଚନା ମିଳିଛି ।
© 2026 News Prime Odisha | Content is protected under the Copyright Act, 1957

Comments (0)

Loading comments...