ସିଦ୍ଧେଶ୍ୱର ମନ୍ଦିର ରୁ ଚୋରି, ହୁଣ୍ଡି ଭାଙ୍ଗି ନେଇଗଲେ ଲକ୍ଷାଧିକ ଟଙ୍କା
sumanta swain | 15 Nov 2026 | 5 min read | 3 views
News Prime Odisha
ପାରାଦ୍ୱୀପ ( ଏନ. ପି.ଓ ) : ଚୋରଙ୍କ ଟାର୍ଗେଟରେ ଏବେ ମନ୍ଦିର, ସାଧାରଣଲୋକଙ୍କ ଘର ସହ ଦେବାଦେବୀଙ୍କୁ ବି ଛାଡ଼ୁନାହାନ୍ତି ଚୋର | ଗତ କିଛି ଦିନ ପୂର୍ବରୁ ନିମିଢ଼ି ଗାଁ ଜଗନ୍ନାଥ ମନ୍ଦିରରୁ ଚୋରି ହୋଇଥିବା ବେଳେ ପୁଣି ଆଜି ପାରାଦ୍ଵୀପ ଗଡ଼ ପଞ୍ଚାୟତ ର ପ୍ରସିଦ୍ଧ ସିଦ୍ଧେଶ୍ୱର ଶିବ ମନ୍ଦିର ରୁ ଲକ୍ଷାଧିକ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି। ମନ୍ଦିର ର ଗେଟ୍ ତାଲା ଭାଙ୍ଗି ଭିତରେ ପଶିବା ସହିତ ମନ୍ଦିର ର ହୁଣ୍ଡି ବାକ୍ସ କୁ ତାଡି କେହି ବାକ୍ସରେ ଥିବା ସମସ୍ତ ଦାନ ଟଙ୍କା ନେଇଯାଇଛି। ଗତ ତିନି ବର୍ଷ ହେଲା ମନ୍ଦିର ର ଦାନ ବାକ୍ସ ଖୋଲାଯାଇ ନଥିବା ବେଳେ ଏଥିରେ ପାଖାପାଖି ୩ ଲକ୍ଷରୁ ଉର୍ଦ୍ଧ୍ବ ଟଙ୍କା ଥିବା ଅନୁମାନ କରାଯାଉଛି। ଗତକାଲି ରାତି ୯ ଟା ରେ ପହଡ଼ ପଡ଼ିଥିବା ବେଳେ ପାଖାପାଖି ରାତି ୧୦ ଟା ପର୍ଯ୍ୟନ୍ତ ମନ୍ଦିର ବାହାରେ ଭଜନ କୀର୍ତ୍ତନ ଚାଲିଥିଲା। ରାତି ୪ ଟାରେ ଆଳତୀ କରିବା ପାଇଁ ପୂଜକ ଆସି ଦେଖିଥିଲେ ଗେଟ୍ ର ତାଲା ଭାଙ୍ଗିଛି ଏବଂ ହୁଣ୍ଡି ତଡ଼ା ଯାଇଛି। ସଙ୍ଗେ ସଙ୍ଗେ ମନ୍ଦିର ଟ୍ରଷ୍ଟି ଙ୍କୁ ଖବର ଦେବା ପରେ ଟ୍ରଷ୍ଟ ପକ୍ଷରୁ ପାରାଦ୍ଵୀପ ଲକ୍ ଥାନା ରେ ଏତେଲା ଦିଆଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଏହି ଚୋରି ରେ ମନ୍ଦିର ରେ ଥିବା ଠାକୁର ଙ୍କ ଅଳଙ୍କାର ଏବଂ ଅନ୍ୟାନ୍ୟ ସାମଗ୍ରୀ ସଠିକ୍ ରହିଛି ଏବଂ ହୁଣ୍ଡିରେ ଥିବା ନୋଟ୍ ଗୁଡିକ କେହି ନେଇଯାଇଥିବା ମନ୍ଦିରର ପୂଜକ ପ୍ରକାଶ କରିଛନ୍ତି ।
© 2026 News Prime Odisha | Content is protected under the Copyright Act, 1957
Comments (0)
Loading comments...

