ନୂଆ ଖବର ସବୁ ପଢ଼ିଛି
ଲୋଡ୍ ହେଉଛି...
ଈଶ୍ବରଙ୍କ ବ୍ୟତୀତ କାହାକୁ ଡରେନା | ସ୍ପଷ୍ଟ ଓ ନିରପେକ୍ଷତା ଆମର ପ୍ରୟାସ
Latest News
ନିର୍ବାଚନ ସାକ୍ଷରତା କ୍ଲବ୍ (ELC) ଆନୁକୂଲ୍ୟରେ ଜିଲ୍ଲା ସ୍ତରୀୟ କୁଇଜ୍ ଓ ପ୍ରବନ୍ଧ ଲିଖନ ପ୍ରତିଯୋଗିତା ଆୟୋଜିତ ❯❯ ଆର୍ଥିକ ସାକ୍ଷରତା ଏବଂ ସାଇବର ଠକେଇ ସଚେତନତା ମାଧ୍ଯମରେ ଗ୍ରାମୀଣ ଓଡ଼ିଶାକୁ ସଶକ୍ତ କରୁଛି ବଜାଜ୍ ଫାଇନାନ୍ସ ❯❯ ସମାଜର ଅମୂଲ୍ୟ ସମ୍ପଦ : ବରିଷ୍ଠ ନାଗରିକ ❯❯ ଜିଲ୍ଲାସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୬ ପାଳିତ ❯❯ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଯୁଗ୍ମଜନ ଅଭିଯୋଗ ଶୁଣାଣି ଶିବିର ❯❯ ଦିନରେ ଚରାଉଥିଲେ ଛେଳି ଓ ଘୁସୁରି , ଆଉ ରାତି ହେଲେ କବାଟ ତାଡି କରୁଥିଲେ ସୁନା ଓ ଟଙ୍କା ଲୁଟ୍ ❯❯ ବିଭିନ୍ନ ଦଫା ଦାବି ନେଇ ଗାଁ ସାଥି ସଙ୍ଘର ବୈଠକ, ଯୋଗଦେଲେ ୪ ଟି ଜିଲ୍ଲାର ଶତାଧିକ ଗାଁ ସାଥି ❯❯ ଅଜଣା ଗାଡି ଧକ୍କାରେ ଯୁବକ ମୃତ୍ୟୁ, କ୍ଷତି ପୂରଣ ଦାବିରେ ରାସ୍ତା ଅବରୋଧ ❯❯ କଂଗ୍ରେସର ଭୋଟ ବଞ୍ଚାଅ ଦେଶ ବଞ୍ଚାଅ ଅଭିଯାନ ତଥା ଚୌପାଲ ବୈଠକ ଅନୁଷ୍ଠିତ । ❯❯ ଆଦିଦେବ ଏଣ୍ଟରଟେନମେଣ୍ଟ ର ସିଜନ-୨ ପାରମ୍ପରିକ ସୌନ୍ଦର୍ଯ୍ୟ ପ୍ରତିଯୋଗିତା ଅଡିସନ ❯❯

ରୋଗୀ ଓ ଅସହାୟଙ୍କ ସେବାରେ ମା’ ରାମଚଣ୍ଡୀ ୟୁଥ୍‌ କ୍ଲବ୍‌

sumanta swain | 17 Oct 2026 | 8 min read | 9 views

pozecon
News Prime Odisha
ପାରାଦ୍ୱୀପ ( ଏନ. ପି.ଓ ) : ସେବା ହିଁ ପରମ ଧର୍ମ। ଏହି ମହତ୍‌ ଉଦ୍ଦେଶ୍ୟକୁ ନେଇ ଆଗେଇ ଆସିଛି ପାରାଦ୍ଵୀପଗଡ଼ ପଞ୍ଚାୟତ ନିମିଢ଼ି ଗ୍ରାମର ମା’ ରାମଚଣ୍ଡୀ ୟୁଥ୍‌ କ୍ଲବ୍‌। ଦୀର୍ଘ ୪୦ ବର୍ଷ ଧରି ଶୃଙ୍ଖଳିତ ଭାବେ ବିଭିନ୍ନ ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମ କରି ଆସୁଥିବା ଏହି କ୍ଲବ୍‌ ଏବେ ଅସହାୟଙ୍କ ସେବା ପାଇଁ ଆଗେଇ ଆସିଛି। କ୍ଲବ୍‌ ପକ୍ଷରୁ ପାରାଦ୍ଵୀପ ବିଜୁ ମେମୋରିଆଲ ମେଡିକାଲ ଓ କୁଜଙ୍ଗ ମେଡିକାଲରେ ଚିକିତ୍ସିତ ରୋଗୀଙ୍କୁ ଫଳ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଛି। ଏଥିସହ ପ୍ରତି ମାସ ସଂକ୍ରାନ୍ତିରେ ଏଭଳି ସେବା କାର୍ଯ୍ୟ ଜାରି ରଖିବାକୁ କ୍ଲବ୍‌ ପକ୍ଷରୁ ନିଷ୍ପତ୍ତି ନିଆଯାଇଛି। ଜନସେବା ଓ ସମାଜ କଲ୍ୟାଣର ମହତ୍‌ ଉଦ୍ଦେଶ୍ୟ ନେଇ ଏକ ପ୍ରଶଂସନୀୟ ପଦକ୍ଷେପ ଗ୍ରହଣ କରିଛି ମା’ ରାମଚଣ୍ଡୀ ୟୁଥ୍‌ କ୍ଲବ୍‌।
ପାରାଦ୍ଵୀପଗଡ଼ ନିମିଢ଼ି ଗ୍ରାମର ଏହି କ୍ଲବ୍‌ ଦୀର୍ଘ ୪୦ ବର୍ଷ ଧରି ନିଜର ଶୃଙ୍ଖଳା ଓ ସାମାଜିକ କାର୍ଯ୍ୟକଳାପ ପାଇଁ ପରିଚିତ। କ୍ଲବ୍‌ରେ ୨୦୦ରୁ ଊର୍ଦ୍ଧ୍ୱ ସଦସ୍ୟ ରହିଥିବା ବେଳେ ପ୍ରତିବର୍ଷ ଗଣେଶ ପୂଜା ସମେତ ବିଭିନ୍ନ ସାଂସ୍କୃତିକ ଓ ସାମାଜିକ କାର୍ଯ୍ୟକ୍ରମ ଆୟୋଜନ କରାଯାଇଥାଏ। ତେବେ ଚଳିତ ବର୍ଷ କେବଳ ସାଂସ୍କୃତିକ କାର୍ଯ୍ୟକ୍ରମ ନୁହେଁ, ବରଂ ଦୁଃଖୀ, ଦରିଦ୍ର, ରୋଗୀ ଓ ଅସହାୟଙ୍କ ସେବାକୁ ଗୁରୁତ୍ୱ ଦେଇଛି କ୍ଲବ୍‌।
କ୍ଲବ୍‌ର ସଭାପତି ଭାସ୍କର ସାହୁ ଙ୍କ ନିର୍ଦ୍ଦେଶକ୍ରମେ ଆଜି ପାରାଦ୍ଵୀପ ବିଜୁ ମେମୋରିଆଲ ହସ୍ପିଟାଲ ଏବଂ କୁଜଙ୍ଗ ହସ୍ପିଟାଲ ରେ ପହଞ୍ଚିଥିଲେ କ୍ଲବ୍‌ର ସଦସ୍ୟମାନେ। ସେଠାରେ ଚିକିତ୍ସିତ ହେଉଥିବା ରୋଗୀଙ୍କୁ ଫଳ ଓ ଶୁଖିଲା ଖାଦ୍ୟ ବଣ୍ଟନ କରିବା ସହ ସେବା ଓ ସହଯୋଗର ହାତ ବଢ଼ାଇଥିଲେ। ଏହି ସେବା କାର୍ଯ୍ୟକୁ ଆଗାମୀ ଦିନରେ ମଧ୍ୟ ଜାରି ରଖିବାକୁ କ୍ଲବ୍‌ ପକ୍ଷରୁ ନିଷ୍ପତ୍ତି ନିଆଯାଇଛି। ପ୍ରତି ମାସର ସଂକ୍ରାନ୍ତି ଅବସରରେ ଦୁଃଖୀ, ଦରିଦ୍ର ଓ ଅସହାୟଙ୍କୁ ସହାୟତା ଯୋଗାଇ ଦିଆଯିବ ବୋଲି କ୍ଲବ୍‌ର ସଭାପତି ଓ ସଦସ୍ୟମାନେ ପ୍ରକାଶ କରିଛନ୍ତି। ଏହି ମହତ୍‌ କାର୍ଯ୍ୟକ୍ରମରେ କ୍ଲବ୍‌ର ସମସ୍ତ ସଦସ୍ୟ ସହଯୋଗ କରିଥିବା ବେଳେ ମାନବିକତା ଓ ସେବା ମନୋଭାବକୁ ପାଥେୟ କରି କ୍ଲବ୍‌ ପକ୍ଷରୁ ନିଆଯାଇଥିବା ଏଭଳି ପଦକ୍ଷେପ ସମାଜ ପାଇଁ ଏକ ଉଦାହରଣ ସୃଷ୍ଟି କରିଛି।
© 2026 News Prime Odisha | Content is protected under the Copyright Act, 1957

Comments (0)

Loading comments...