ନୂଆ ଖବର ସବୁ ପଢ଼ିଛି
ଲୋଡ୍ ହେଉଛି...
ଈଶ୍ବରଙ୍କ ବ୍ୟତୀତ କାହାକୁ ଡରେନା | ସ୍ପଷ୍ଟ ଓ ନିରପେକ୍ଷତା ଆମର ପ୍ରୟାସ
Latest News
ନିର୍ବାଚନ ସାକ୍ଷରତା କ୍ଲବ୍ (ELC) ଆନୁକୂଲ୍ୟରେ ଜିଲ୍ଲା ସ୍ତରୀୟ କୁଇଜ୍ ଓ ପ୍ରବନ୍ଧ ଲିଖନ ପ୍ରତିଯୋଗିତା ଆୟୋଜିତ ❯❯ ଆର୍ଥିକ ସାକ୍ଷରତା ଏବଂ ସାଇବର ଠକେଇ ସଚେତନତା ମାଧ୍ଯମରେ ଗ୍ରାମୀଣ ଓଡ଼ିଶାକୁ ସଶକ୍ତ କରୁଛି ବଜାଜ୍ ଫାଇନାନ୍ସ ❯❯ ସମାଜର ଅମୂଲ୍ୟ ସମ୍ପଦ : ବରିଷ୍ଠ ନାଗରିକ ❯❯ ଜିଲ୍ଲାସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୬ ପାଳିତ ❯❯ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଯୁଗ୍ମଜନ ଅଭିଯୋଗ ଶୁଣାଣି ଶିବିର ❯❯ ଦିନରେ ଚରାଉଥିଲେ ଛେଳି ଓ ଘୁସୁରି , ଆଉ ରାତି ହେଲେ କବାଟ ତାଡି କରୁଥିଲେ ସୁନା ଓ ଟଙ୍କା ଲୁଟ୍ ❯❯ ବିଭିନ୍ନ ଦଫା ଦାବି ନେଇ ଗାଁ ସାଥି ସଙ୍ଘର ବୈଠକ, ଯୋଗଦେଲେ ୪ ଟି ଜିଲ୍ଲାର ଶତାଧିକ ଗାଁ ସାଥି ❯❯ ଅଜଣା ଗାଡି ଧକ୍କାରେ ଯୁବକ ମୃତ୍ୟୁ, କ୍ଷତି ପୂରଣ ଦାବିରେ ରାସ୍ତା ଅବରୋଧ ❯❯ କଂଗ୍ରେସର ଭୋଟ ବଞ୍ଚାଅ ଦେଶ ବଞ୍ଚାଅ ଅଭିଯାନ ତଥା ଚୌପାଲ ବୈଠକ ଅନୁଷ୍ଠିତ । ❯❯ ଆଦିଦେବ ଏଣ୍ଟରଟେନମେଣ୍ଟ ର ସିଜନ-୨ ପାରମ୍ପରିକ ସୌନ୍ଦର୍ଯ୍ୟ ପ୍ରତିଯୋଗିତା ଅଡିସନ ❯❯

ଆଗାମୀ ୫ ବର୍ଷ ପାଇଁ ପିଏଲଆର ସଂଶୋଧନ ନେଇ ଇଣ୍ଡିଆନ ପୋର୍ଟ ଆସୋସିଏସନ ର ବୈଠକ: ଶ୍ରମିକଙ୍କ ସ୍ୱାର୍ଥ ସହ ଠିକା କର୍ମଚାରୀଙ୍କ ସୁବିଧା ଦାବି

sumanta swain | 08 Oct 2026 | 7 min read | 11 views

pozecon
News Prime Odisha
ପାରାଦ୍ୱୀପ ( ଏନ. ପି.ଓ ) : ୨୦୨୬-୨୭ ରୁ ୨୦୩୦-୩୧ ୮ ଆଗାମୀ ୫ ବର୍ଷ ପର୍ଯ୍ୟନ୍ତ ପିଏଲଆର ରିଭିଜନ ସମ୍ପର୍କରେ ଆଜି ସକାଳ ୧୧ଟା ସମୟରେ ନୂଆଦିଲ୍ଲୀ ସ୍ଥିତ ଇଣ୍ଡିଆନ ପୋର୍ଟ ଆସୋସିଏସନ ରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି। ବୈଠକରେ ଦେଶର ବିଭିନ୍ନ ମେଜର ପୋର୍ଟ ର ଅଧ୍ୟକ୍ଷ, ଆସୋସିଏସନ ର ଅଧ୍ୟକ୍ଷ ଏବଂ ବିଭିନ୍ନ ପୋର୍ଟ ଫେଡେରେସନ୍‌ର ସଭାପତି ଓ ସାଧାରଣ ସମ୍ପାଦକମାନେ ଉପସ୍ଥିତ ଥିଲେ । ଏହି ବୈଠକରେ ଭାରତୀୟ ପୋର୍ଟ ଆଣ୍ଡ ଡକ୍ ମଜଦୂର ମହାସଂଘର ସଭାପତି ଶ୍ରୀକାନ୍ତ ରାୟ ଏବଂ ସାଧାରଣ ସମ୍ପାଦକ ସୁରେଶ ପାଟିଲ ଉପସ୍ଥିତ ରହି ଶ୍ରମିକ ଓ କର୍ମଚାରୀଙ୍କ ସ୍ୱାର୍ଥ ସମ୍ବନ୍ଧୀୟ ବିଭିନ୍ନ ଦାବି ଓ ପ୍ରସ୍ତାବ ଉପସ୍ଥାପନ କରିଥିଲେ । ମହାସଂଘ ପକ୍ଷରୁ ପିଏଲଆର ର ଲୱେର କାପିଙ୍ଗ କୁ ବର୍ତ୍ତମାନର ସୀମାଠାରୁ ବୃଦ୍ଧି କରି ଅଧିକ ଯୁକ୍ତିସଙ୍ଗତ ଓ ଶ୍ରମିକଙ୍କ ପାଇଁ ଲାଭଦାୟକ କରାଯିବା ଉପରେ ଗୁରୁତ୍ୱ ଦିଆଯାଇଥିଲା । ଏଥିସହିତ ଅନ୍ୟ ଶିଳ୍ପ କ୍ଷେତ୍ରରେ ଯେପରି ବୋନସ ବ୍ୟବସ୍ଥା କରାଯାଉଛି, ସେହି ଢାଞ୍ଚାରେ ପୋର୍ଟ ଶ୍ରମିକମାନଙ୍କ ପାଇଁ ପିଏଲଆର ବ୍ୟବସ୍ଥାକୁ ଅଧିକ ନ୍ୟାୟସଙ୍ଗତ ଓ ସୁବିଧାଜନକ କରାଯିବା ନେଇ ମଧ୍ୟ ମତ ରଖାଯାଇଥିଲା ।
ବୈଠକରେ ଠିକା କର୍ମଚାରୀଙ୍କ ବେତନ ପ୍ରଦାନ ବ୍ୟବସ୍ଥାକୁ ପିଏଲଆର ପରିଧିରେ ସାମିଲ କରିବା ନେଇ ମଧ୍ୟ ମହାସଂଘ ପକ୍ଷରୁ ଦାବି ଉପସ୍ଥାପିତ ହୋଇଥିଲା । ଠିକା କର୍ମଚାରୀମାନଙ୍କୁ ବନ୍ଦର ପ୍ରାଧିକରଣ ମାଧ୍ୟମରେ ପ୍ରତ୍ୟକ୍ଷ ବେତନ ପ୍ରଦାନ ସହିତ ମେଡିକାଲ ସୁବିଧା, ପିଏଫ ଏବଂ ଅନ୍ୟାନ୍ୟ ଆନୁସଙ୍ଗିକ ସାମାଜିକ ସୁରକ୍ଷା ସୁବିଧା ଯୋଗାଇ ଦେବା ପାଇଁ ମଧ୍ୟ ମହାସଂଘ ପକ୍ଷରୁ ଦୃଢ଼ ମତ ରଖାଯାଇଥିଲା । ଶ୍ରୀକାନ୍ତ ରାୟ ଓ ସୁରେଶ ପାଟିଲ ଙ୍କ ପକ୍ଷରୁ ଉପସ୍ଥାପିତ ଏହି ଦାବିଗୁଡ଼ିକ ଆଗାମୀ ପିଏଲଆର ରିଭିଜନ ରେ ବନ୍ଦର ଶ୍ରମିକ ଓ ଠିକା କର୍ମଚାରୀଙ୍କ ଆର୍ଥିକ ତଥା ସାମାଜିକ ସ୍ୱାର୍ଥକୁ ଅଧିକ ସୁଦୃଢ଼ କରିବା ଦିଗରେ ଗୁରୁତ୍ୱ ବହନ କରୁଥିବା ନେଇ ପାରାଦୀପର ଶ୍ରମିକ ନେତା ଶ୍ରୀକାନ୍ତ ରାୟ ସୂଚନା ଦେଇଛନ୍ତି l
© 2026 News Prime Odisha | Content is protected under the Copyright Act, 1957

Comments (0)

Loading comments...