ନୂଆ ଖବର ସବୁ ପଢ଼ିଛି
ଲୋଡ୍ ହେଉଛି...
ଈଶ୍ବରଙ୍କ ବ୍ୟତୀତ କାହାକୁ ଡରେନା | ସ୍ପଷ୍ଟ ଓ ନିରପେକ୍ଷତା ଆମର ପ୍ରୟାସ
Latest News
ନିର୍ବାଚନ ସାକ୍ଷରତା କ୍ଲବ୍ (ELC) ଆନୁକୂଲ୍ୟରେ ଜିଲ୍ଲା ସ୍ତରୀୟ କୁଇଜ୍ ଓ ପ୍ରବନ୍ଧ ଲିଖନ ପ୍ରତିଯୋଗିତା ଆୟୋଜିତ ❯❯ ଆର୍ଥିକ ସାକ୍ଷରତା ଏବଂ ସାଇବର ଠକେଇ ସଚେତନତା ମାଧ୍ଯମରେ ଗ୍ରାମୀଣ ଓଡ଼ିଶାକୁ ସଶକ୍ତ କରୁଛି ବଜାଜ୍ ଫାଇନାନ୍ସ ❯❯ ସମାଜର ଅମୂଲ୍ୟ ସମ୍ପଦ : ବରିଷ୍ଠ ନାଗରିକ ❯❯ ଜିଲ୍ଲାସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୬ ପାଳିତ ❯❯ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଯୁଗ୍ମଜନ ଅଭିଯୋଗ ଶୁଣାଣି ଶିବିର ❯❯ ଦିନରେ ଚରାଉଥିଲେ ଛେଳି ଓ ଘୁସୁରି , ଆଉ ରାତି ହେଲେ କବାଟ ତାଡି କରୁଥିଲେ ସୁନା ଓ ଟଙ୍କା ଲୁଟ୍ ❯❯ ବିଭିନ୍ନ ଦଫା ଦାବି ନେଇ ଗାଁ ସାଥି ସଙ୍ଘର ବୈଠକ, ଯୋଗଦେଲେ ୪ ଟି ଜିଲ୍ଲାର ଶତାଧିକ ଗାଁ ସାଥି ❯❯ ଅଜଣା ଗାଡି ଧକ୍କାରେ ଯୁବକ ମୃତ୍ୟୁ, କ୍ଷତି ପୂରଣ ଦାବିରେ ରାସ୍ତା ଅବରୋଧ ❯❯ କଂଗ୍ରେସର ଭୋଟ ବଞ୍ଚାଅ ଦେଶ ବଞ୍ଚାଅ ଅଭିଯାନ ତଥା ଚୌପାଲ ବୈଠକ ଅନୁଷ୍ଠିତ । ❯❯ ଆଦିଦେବ ଏଣ୍ଟରଟେନମେଣ୍ଟ ର ସିଜନ-୨ ପାରମ୍ପରିକ ସୌନ୍ଦର୍ଯ୍ୟ ପ୍ରତିଯୋଗିତା ଅଡିସନ ❯❯

ବିଜେପିର ୭ ସୂତ୍ରୀ ଜନସମ୍ପର୍କ ଯାତ୍ରା । ଅରାଜକତା ହଟାଅ, ଗଣତନ୍ତ୍ର ବଞ୍ଚାଅ’ ନାରାରେ ଲୋକଙ୍କୁ ସଚେତନ କରିବ ଦଳ

sumanta swain | 26 Oct 2026 | 7 min read | 7 views

pozecon
News Prime Odisha
ଉମରକୋଟ ( ଏନ. ପି.ଓ ) : ଉମରକୋଟ ବିଜେପି କାର୍ଯ୍ୟାଳୟରେ ସୋମବାର ଜିଲ୍ଲା ବିଜେପି ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇ ୭ ସୂତ୍ରୀ ଜନସମ୍ପର୍କ ଯାତ୍ରା ସମ୍ପର୍କରେ ସୂଚନା ଦିଆଯାଇଛି । ଅରାଜକତା ହଟାଅ, ଗଣତନ୍ତ୍ର ବଞ୍ଚାଅ’ ନାରାରେ ଦେଶବ୍ୟାପୀ ଏହି ପଦଯାତ୍ରା ମାଧ୍ୟମରେ ଯୁବଶକ୍ତି, ସାଧାରଣ ନାଗରିକ, ମହିଳା ଓ ବୁଦ୍ଧିଜୀବୀଙ୍କ ନିକଟରେ ପହଞ୍ଚିବାକୁ ଦଳ ଲକ୍ଷ୍ୟ ରଖିଥିବା କୁହାଯାଇଛି ।

ସାମ୍ବାଦିକ ସମ୍ମିଳନୀରେ ବିଜେପି ପକ୍ଷରୁ ଅଭିଯୋଗ କରାଯାଇଥିଲା ଯେ, ଦେଶ ଓ ରାଜ୍ୟରେ କେତେକ ଅଣଛାତ୍ର ଗୋଷ୍ଠୀ ଓ ବିରୋଧୀ ଦଳ ନକାରାତ୍ମକ ପ୍ରଚାର ଓ ଆନ୍ଦୋଳନ ମାଧ୍ୟମରେ ଯୁବପିଢ଼ି ଓ ସାଧାରଣ ଲୋକଙ୍କୁ ବିଭ୍ରାନ୍ତ କରୁଛନ୍ତି। ଏଭଳି ପରିସ୍ଥିତି ବିରୋଧରେ ଲୋକଙ୍କୁ ସଚେତନ କରିବା ସହ ଦଳର ୭ ସୂତ୍ରୀ ଚିଠା ଜନସାଧାରଣଙ୍କ ନିକଟରେ ରଖାଯିବ ବୋଲି ଦଳୀୟ ନେତାମାନେ କହିଥିଲେ ।

ଏହି ଯାତ୍ରା ମାଧ୍ୟମରେ ଅରାଜକତା, ହିଂସା ଓ ବିଭ୍ରାନ୍ତିକର ପ୍ରଚାରରୁ ଦୂରେଇ ରହି ଗଣତାନ୍ତ୍ରିକ ମୂଲ୍ୟବୋଧ ପ୍ରତି ସଚେତନ ହେବାକୁ ଲୋକଙ୍କୁ ଆହ୍ୱାନ ଦିଆଯିବ ବୋଲି ବିଜେପି ପକ୍ଷରୁ କୁହାଯାଇଛି ।

ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଥିଲେ ଯେ, ଏମାର୍ଜେନ୍ସି ସମୟରେ ଦେଶରେ ଗଣତନ୍ତ୍ରର ସ୍ଥିତି କ’ଣ ଥିଲା, ତାହା ଲୋକେ ଜାଣନ୍ତି। ବିରୋଧୀଙ୍କ ପ୍ରତ୍ୟେକ ରାଜନୈତିକ ଚାଲ୍‌ର ଉଚିତ ଜବାବ ଦିଆଯିବ । ରାଜ୍ୟବାସୀଙ୍କୁ ଜାଗ୍ରତ କରିବା ସହ ସରକାର କଥା ଅପେକ୍ଷା କାମରେ ବିଶ୍ୱାସ କରେ ବୋଲି ସେ କହିଥିଲେ ।

ସାମ୍ବାଦିକ ସମ୍ମିଳନୀରେ ଜିଲ୍ଲା ବିଜେପି ସଭାପତି କୁଞ୍ଜବିହାରୀ ଦାସ, ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ, ନବରଙ୍ଗପୁର ଲୋକସଭା ସାଂସଦ ବଳଭଦ୍ର ମାଝୀ, ନବରଙ୍ଗପୁର ବିଧାୟକ ଗୌରୀ ମାଝୀ ଓ ଝରିଗାଁ ବିଧାୟକ ନରସିଂହ ଭତରା ପ୍ରମୁଖ ଉପସ୍ଥିତ ଥିଲେ ।
© 2026 News Prime Odisha | Content is protected under the Copyright Act, 1957

Comments (0)

Loading comments...